Rjúfum vítahringinn - opinn fundur í Grindavík

Samtök atvinnulífsins halda opinn fund í Grindavík, föstudaginn 12. júní, undir yfirskriftinni Rjúfum vítahringinn. Þar verður fjallað um verðbólgu, vexti, stöðugleika og þau skilyrði sem þarf að skapa svo atvinnulíf, heimili og samfélög um allt land geti horft örugg fram á veginn.

Fundurinn er hluti af Hringferð SA 2026 þar sem samtökin ferðast um landið og ræða við fyrirtæki, sveitarfélög, launafólk og stjórnvöld um stærstu efnahagslegu áskoranirnar fram undan.

„Grindavík minnir okkur á hvað skiptir mestu þegar á reynir: Öflugt atvinnulíf, sterk samfélög og sameiginleg ábyrgð. Ef við ætlum að ná niður verðbólgu og vöxtum þurfum við að rjúfa þann vítahring sem hefur haldið aftur af heimilum og fyrirtækjum. Það gerist ekki af sjálfu sér heldur með samtali, ábyrgð og skýrri forgangsröðun,“ segir Bjarni Benediktsson, framkvæmdastjóri Samtaka atvinnulífsins.

Á fundinum verður rætt hvernig hægt sé að styrkja stöðugleika, samkeppnishæfni og verðmætasköpun til framtíðar. Fundurinn sem haldinn er á Bryggjunni í Grindavík er öllum opinn og hefst kl. 8.30 og stendur til kl. 10.00.