Flugger
Flugger

Fréttir

Örlítið meiri virkni í gígnum í dag
Svona blasir eldgosið við Jóni Steinari á fjarstýringu drónans. VF/Sigurbjörn Daði Dagbjartsson
Mánudagur 17. júní 2024 kl. 18:10

Örlítið meiri virkni í gígnum í dag

Örlítið meiri virkni hefur verið í gígnum í dag en undanfarið hefur RÚV eftir Bjarka Kaldalóns Friis, náttúruvársérfræðingi á Veðurstofu Íslands.

Eldgosið hófst miðvikudaginn 29. maí á Sundhnúkagígaröðinni. Jón Steinar Sæmundsson, sem m.a. hefur verið duglegur að mynda fyrir Víkurfréttir í Grindavík og nágrenni, er nærri gosstöðvunum núna með dróna.

Bílakjarninn sumardekk 2024
Bílakjarninn sumardekk 2024

Sigurbjörn Daði Dagbjartsson, blaðamaður, sem fylgdist með Jóni Steinari í dag, segir að úr fjarska væri ekki hægt að sjá eldtungurnar gægjast upp fyrir gíginn.

Á myndum Jóns Steinars má sjá að það kraumar vel ofan í gígnum og rennur hraunstraumurinn nú til norðausturs.

Á vefmyndavél RÚV (sjá spilara að neðan) má sjá að hrauntjörn sunnan við gíginn er orðin stútfull. Hún tæmdi sig í gær, sunnudag, kl. 16:40 og fór allt hraunið undir hraunbreiðuna. Þegar þetta er skrifað má sjá myndarlega hrauná renna vestur fyrir gíginn sem gýs.

Grindvíkingurinn Jón Steinar Sæmundsson með drónann á lofti yfir eldstöðvunum.