Menntaráð ánægt með framgang Holtaskóla og Myllubakkaskóla
– hvetur til nýs leikskóla og niðurrifs Garðasels
Menntaráð Reykjanesbæjar fékk á fundi sínum 6. febrúar 2026 kynningu á stöðu framkvæmda á menntasviði. Hreinn Ágúst Kristinsson, deildarstjóri eignaumsýslu, mætti á fundinn og fór yfir stöðuna. Í bókun meirihluta menntaráðs er lýst ánægju með framvinduna í tveimur stórum verkefnum, uppbyggingu Holtaskóla og Myllubakkaskóla.
Jafnframt segir meirihlutinn mikilvægt að halda áfram uppbyggingu leikskólaplássa í Reykjanesbæ, bæði með því að fjölga plássum á núverandi leikskólum – þar er sérstaklega vísað til áforma við Skógarás og með uppbyggingu nýrra leikskóla.
Menntaráð hvetur til að ráðist verði sem fyrst í niðurrif leikskólans Garðasels og að hafinn verði undirbúningur hönnunar á nýjum leikskóla á sömu lóð.
