Jarðkönnun á ferðamannasvæðum til að auka öryggi í sumar

Á fundi Almannavarnanefndar Suðurnesja utan Grindavíkur, sem haldinn var 28. maí sl., var ástand ferðamannastaða eftir jarðhræringar rætt sérstaklega. Lagt var fram minnisblað frá ÍSOR um nýlega jarðkönnun sem miðar að því að kortleggja sprunguhreyfingar á svæðinu.

Í minnisblaðinu kemur fram að tilgangur könnunarinnar sé að afla betri þekkingar á umfangi sprunguhreyfinga í tilteknum svæðum áður en ferðamenn og útivistarfólk fara að sækja þau í auknum mæli yfir sumarmánuðina. Þessi vinna er sögð nauðsynleg til að hægt sé að greina varasama staði, merkja hættusvæði og ákveða hvar leiðbeiningar og stýrðar gönguleiðir skuli settar upp. Þá mun könnunin einnig nýtast við ákvarðanir um hvar þurfi að grípa til viðgerða á sprungum og öðrum skemmdum á svæðunum.

Almannavarnanefndin leggur áherslu á að þessi jarðkönnun sé mikilvægur þáttur í að tryggja öryggi þeirra sem sækja svæðin heim, bæði ferðamanna og íbúa. Nefndin fól framkvæmdastjóra að vinna verkefnið áfram og afla nánari upplýsinga, meðal annars til að undirbúa mótvægisaðgerðir áður en háannaferðamannatímabilið hefst.