Flugger
Flugger

Fréttir

Í samfelldum viðbrögðum frá því að Grindavíkurbær var rýmdur
Laugardagur 22. júní 2024 kl. 06:00

Í samfelldum viðbrögðum frá því að Grindavíkurbær var rýmdur

Rauði krossinn á Íslandi hefur verið í samfelldum viðbrögðum frá því að Grindavíkurbær var rýmdur í nóvember sl. Um 200 manns nýttu sér þjónustu þriggja fjöldahjálparstöðva sem voru starfræktar fyrstu dagna eftir rýmingu og hjálparsími Rauða krossins tók á móti mörg þúsund símtölum fyrstu dagana. Þetta kemur fram í fréttabréfinu Grindvíkingi, sem stjórnarráðið gefur út.

Rauði krossinn stóð einnig fyrir neyðarsöfnun og var rúmlega 62 milljónum króna úthlutað úr söfnuninni í mars. Þá leiddi Rauði krossinn sálfélagslegan stuðning í þjónustumiðstöðinni sem var starfrækt í Tollhúsinu þar til í lok maí.

Rauði krossinn er áfram í samstarfi við Grindavíkurbæ og styður við félagsþjónustu sveitarfélagsins í bráðatilvikum. Sífellt er verið að meta og endurmeta þjónustuþarfir Grindvíkinga í samstarfi Rauða krossins, Grindavíkurbæjar, Kirkjunnar, Almannavarna og annarra samstarfsaðila.

Nánar á vef Rauða krossins

Bílakjarninn sumardekk 2024
Bílakjarninn sumardekk 2024