Glæsilegur hnúfubakur heilsar upp fólk við strandleiðina í Keflavík

Vegfarendur um Ægisgötu og Hafnargötu í Keflavík hafa átt þess kost að berja einn af risum hafsins augum í dag. Um er að ræða glæsilegan hnúfubak sem hefur verið á sundi skammt undan Berginu, mjög nálægt landi, og sýnt sig við mikla hrifningu þeirra sem leið eiga um.

Hnúfubakar eru þekktir fyrir að vera forvitnir og félagslyndir, og þessi tiltekni gestur virðist una sér vel í nálægð við bæinn.

Á myndum sem náðst hafa af hvalnum sést hann synda makindalega í spegilsléttum sjónum og sýna sín helstu einkenni.

Það er ekki óalgengt að hvalir leiti inn í víkina á þessum árstíma í leit að æti, en hnúfubakurinn er einn af þeim skemmtilegri í eftirtekt þar sem þeir eiga það til að stökkva eða slá bægsli sína í yfirborðið með miklum látum.

Sjónarvottar eru hvattir til að fylgjast með af landi en jafnframt minntir á að sýna þessum tignarlegu dýrum virðingu og halda góðri fjarlægð ef farið er út á sjó á bátum.

Það er mikil upplifun að fá slíka heimsókn beint inn í túnfótinn í Keflavík og minnir okkur á það ríka lífríki sem finnst allt í kringum Reykjanesið,