Gáfu hjartastuðtæki fyrir Gosa

Á 112-deginum í síðustu viku var ný bifreið til vettvangsstjórnunar tekin í notkun af svæðisstjórn björgunarsveita á Suðurnesjum. Bifreiðin hefur fengið nafnið Gosi. Af þessu tilefni gaf HS Orka nýtt hjartastuðtæki í bifreiðina en brýnt er að hún sé búin besta búnaði sem völ er á.

Gosi mun gegna lykilhlutverki í viðbrögðum við náttúruvá á Suðurnesjum en reynslan af Reykjanesskaganum hefur kennt okkur öllum hve mikilvægt er að geta tafarlaust samhæft aðgerðir og ákvörðunartöku á vettvangi.