Ásrún Helga leiðir lista Framsóknar í Grindavík

Framboðslisti Framsóknar í Grindavík fyrir sveitarstjórnarkosningarnar þann 16. maí næstkomandi var samþykktur samhljóða á fjölmennum félagsfundi í menningarhúsinu Kvikunni í gærkvöldi. Ásrún Helga Kristinsdóttir, forseti bæjarstjórnar og grunnskólakennari, leiðir listann sem skipaður er fólki úr ýmsum áttum samfélagsins.

Ásrún Helga sagði á fundinum að það væri sér mikill heiður að fá að leiða svo öflugan hóp einstaklinga sem búa yfir ólíkum bakgrunni, reynslu og styrkleikum. Hún lagði áherslu á að hópinn sameinaði sterk trú á framtíð Grindavíkur og einlægur vilji til að leggja sitt af mörkum til samfélagsins á þessum mikilvægu tímum.

Í öðru sæti listans er Þorleifur Ólafsson, þjálfari og kennari, og í því þriðja er Inga Fanney Rúnarsdóttir, bæjarfulltrúi og ráðgjafi á velferðarsviði. Fast á hæla þeirra fylgja Elínborg Ingvarsdóttir, tómstunda- og félagsmálafræðingur, og Benedikt Óskar Steingrímsson jarðfræðingur.

Listinn er skipaður fjórtán einstaklingum og endurspeglar breiddina í bæjarfélaginu, en þar má finna allt frá sérfræðingum í velferðarmálum og tölvunarfræði yfir í starfsfólk skóla og iðnaðarmenn. Athygli vekur að Siggeir Fannar Ævarsson, formaður Samfylkingarinnar í Grindavík, skipar 11. sæti listans.

Framboðslisti Framsóknar í heild sinni:

1. Ásrún Helga Kristinsdóttir, forseti bæjarstjórnar og grunnskólakennari
2. Þorleifur Ólafsson, þjálfari, kennari og nemi
3. Inga Fanney Rúnarsdóttir, bæjarfulltrúi og ráðgjafi á velferðasviði
4. Elínborg Ingvarsdóttir, tómstunda- og félagsmálafræðingur og umsjónarmaður ungmennaráðs Grindavíkurbæjar
5. Benedikt Óskar Steingrímsson, jarðfræðingur
6. Valgerður Ágústsdóttir, félagsráðgjafi MA
7. Jón Fannar Sigurðsson, stuðningsfulltrúi
8. Valgerður Jennýjar, leikskólaliði
9. Ása Björg Einarsdóttir, stuðningsfulltrúi og verðandi nemi í uppeldis- og menntunarfræði
10. Helgi Gylfason, tölvunarfræðingur
11. Siggeir Fannar Ævarsson, formaður Samfylkingarinnar í Grindavík
12. Bergur Hinriksson, rafvirki
13. Bríet Rose Raysdóttir, leikskólastarfsmaður
14. Guðmundur Grétar Karlsson, framhaldsskólakennari