Framboðslisti Framsóknar í Reykjanesbær birtur
Framboðslisti Framsóknar í Reykjanesbæ var samþykktur samhljóða á fjölmennum félagsfundi í gær. Prófkjör var haldið um efstu fjögur sætin og leiðir Halldóra Fríða Þorvaldsdóttir, verkefnastjóri listann áfram.
Í öðru sæti er Róbert Jóhann Guðmundsson, málarameistari, í þriðja sæti er Díana Hilmarsdóttir forstöðumaður Bjargarinnar og í fjórða sæti er Birgir Már Bragason framkvæmdastjóri Keflavíkur.
„Við erum stolt af afrekum okkar á kjörtímabilinu og erum reiðubúin að halda vinnunni áfram í nánu samráði við íbúa Reykjanesbæjar. Það er mikil breidd í aldri, þekkingu og reynslu í hópnum okkar og til okkar kom mikið af nýju og öflugu fólki, ekki síst ungt fólk, sem vill hafa áhrif í samfélaginu. Nú tekur við opið málefnastarf með íbúum. Það er mikill kraftur í okkar fólki og við hlökkum til að heyra hvaða áherslur íbúar vilja sjá á næstu árum. Raddir íbúa munu móta okkar stefnu,“, segir Halldóra Fríða Þorvaldsdóttir í tilkynningu frá Framsókn.
Listi Framsóknar í Reykjanesbæ er eftirfarandi:
1 Halldóra Fríða Þorvaldsdóttir, verkefnastjóri
2 Róbert Jóhann Guðmundsson, málarameistari
3 Díana Hilmarsdóttir, forstöðumaður Bjargarinnar
4 Birgir Már Bragasson, framkvæmdastjóri
5 Halla Karen Guðjónsdóttir, sérfræðingur
6 Sighvatur Jónsson, tölvunarfræðingur og fjölmiðlamaður
7 Gunnar Jón Ólafsson, verkefnastjóri eldvarnareftirlits hjá BS
8 Eva Stefánsdóttir, deildarstjóri hjá Veitum
9 Þórarinn Darri Ólafsson, háskólanemi og leiðbeinandi
10 Hekla Sif Ingvadóttir, framhaldsskólanemi
11 Sigurður Guðjónsson, framkvæmdastjóri og bílasali
12 Àsta María Guðmundsdóttir, forstöðumaður
13 Hrafnkell Freyr Ágústsson, málari
14 Birna Ósk Óskarsdóttir, aðstoðarskólastjóri Stapaskóla
15 Karítas Lára Rafnkelsdóttir, sálfræðingur hjá HSS
16 Hólmfríður Jennýjar Árnadóttir, sviðsstýra fjölskyldusviðs
17 Hreinn Ágúst Kristinsson, deildarstjóri
18 Steinunn Valsdóttir, markaðsfræðingur
19 Yasmin Petra Younesdóttir, framhaldsskólanemi
20 Bjarney Rut Jensdóttir, lögfræðingur
21 Kristinn Þór Jakobsson fyrrv. bæjarfulltrúi
22 Jóhann Friðrik Friðriksson, varaþingmaður
