Stfs
Stfs

Fréttir

Enskir óþekktarormar sóttir á einkaþotu
Þotan sem sótti Englendingana á Keflavíkurflugvelli í kvöld.
Hilmar Bragi Bárðarson
Hilmar Bragi Bárðarson skrifar
mánudaginn 7. september 2020 kl. 21:26

Enskir óþekktarormar sóttir á einkaþotu

Ensku óþekktarormarnir og landsliðsmennirnir Mason Greenwood og Phil Foden voru sóttir með einkaþotu til Keflavíkurflugvallar í kvöld. Þeir urðu uppvísir að því að brjóta sóttvarnareglur eftir landsleik Íslands og Englands, þegar þeir buðu íslenskum stúlkum upp á herbergi á hóteli þar sem þeir héldu til.

Einkaþota á vegum félagsliða þeirra Greenwood og Foden lenti á Keflavíkurflugvelli á áttunda tímanum í kvöld. Eftir að hafa tekið eldsneyti hélt hún aftur utan til Manchester.

Þegar þetta er skrifað er þotan á flugi yfir Skotlandi en hún fór frá Keflavíkurflugvelli þegar klukkuna vantaði um 20 mínútur í átta í kvöld.

Athæfi leikmannanna kostaði þá sætið í enska landsliðinu en þeir máttu ekki eiga nein samskipti við liðsfélaga sína eða aðra starfsmenn enska landsliðsins eftir að atvikið komst upp.