Tvö jólatré í Suðurnesjabæ
Kveikt var á jólatrjám í Sandgerði og Garði á fyrsta sunnudegi í aðventu. Fyrst var kveikt á jólatré Sandgerðinga en síðan stormað í Garðinn og kveikt á trénu þar.
Skjóða, sem er systir jólasveinanna kom og skemmti á báðum stöðum og þá mættu jólasveinar, sem höfðu leyfi til að fara fyrr til byggða.
Skólakórar sungu á báðum stöðum og bæjarstjórinn, Magnús Stefánsson, ávarpaði viðstadda.
Góð mæting var á báða staði þrátt fyrir kulda og trekk. Því var mætt með því að bjóða upp á heitt kakó og piparkökur.
Hér eru nokkrar myndir og fleiri í myndasafni með fréttinni.
Jólatré í Suðurnesjabæ
