Líf og fjör á degi leikskólans
- Myndir frá Hjallatúni
Dagur leikskólans var haldinn hátíðlegur í leikskólum um land allt í dag. Í Sandgerði, Garði og Reykjanesbæ var dagurinn helgaður því að hvetja karlmenn til að líta til leikskólans sem framtíðarvinnustaðar en karlar eru aðeins um 7 prósent starfsmanna leikskóla á Íslandi.
Það var góð stemmning í dag á leikskólanum Hjallatúni í Reykjanesbæ. Foreldrar komu í heimsókn og börnin lærðu vísindi í gegnum ýmsa leiki. Nemendur Fjölbrautarskóla Suðurnesja voru boðnir sérstaklega velkomnir til að kynna sér starf leikskólans og tóku nokkrir boðinu og var tekið fagnandi.
