Kveikt á jólatrénu í Grindavík

Kveikt verður á jólatré Grindavíkurbæjar á torginu við íþróttahúsið laugardaginn 2. desember nk. klukkan 18:15. Langleggur og Skjóða, systkini jólasveinanna, kíkja í heimsókn og jólasveinarnir verða einnig með í för. Nemendur frá Tónlistarskóla Grindavíkur spila jólalög og kakó verður í boði Hafbjargar, unglingadeildar Björgunarsveitarinnar.