Metaregn Más í Malmö

Már Gunnarsson sundmaður úr ÍRB/NES gerði sér lítið fyrir og sló sex Íslandsmet í sundi á Malmö open mótinu um liðna helgi í Svíþjóð. Már keppti í sjö greinum og mátti því vart stinga sér til sunds án þess að slá met. Már náði sér í ein gullverðlaun og þrenn silfurverðlaun. Sannarlega góð uppskera hjá þessum efnilega sundmanni sem stefnir á að ná lágmörkum fyrir HM fatlaðra í sundi sem fram fer í Mexíkó í september.