Sjálfstæðismenn í Reykjanesbæ ekki ánægðir með breytingar á listanum

„Ég er ekki sáttur við þessa niðurstöðu og við fulltrúar úr Reykjanesbæ vildum að úrslit prófkjörsins fengju að standa. Við mættum með breytingartillögu en hún fékk heldur ekki hljómgrunn svo við drógum hana til baka. Niðurstaðan var ekki nógu góð fyrir okkur, við missum ráðherra og fáum svo bara einn fulltrúa úr Reykanesbæ á tuttugu manna lista,“ sagði Guðbergur I. Reynisson, formaður sjálfstæðisfélags Reykjanesbæjar en fulltrúaráð flokksins í Suðurkjördæmi lagði fram breytingar á listanum sem voru samþykktar á fundi á Selfossi í gær.

Vitað er að formaðurinn og fleiri vildu að Ísak Kristinsson færðist upp í 5. sæti en hann endaði í 6. sæti í prófkjörinu. Niðurstaðan var sú að hann fékk 7. sætið. Bryndís Einarsdóttir sem endaði í 8. sæti í prófkjörinu fékk ekki sæti á listanum og heldur ekki þeir Kristján Óli Sigmundsson, Árni Johnsen og Oddgeir Á. Ottesen. Guðbergur sagðist einnig hissa á því að Ragnheiði Elínu Árnadóttur hafi ekki verið boðið heiðurssæti á listanum.

List­inn í heild sinni er eft­ir­far­andi:

1. sæti - Páll Magnús­son fjöl­miðlamaður

2. sæti - Ásmund­ur Friðriks­son alþing­ismaður

Páll Magnússon, oddviti með samstarfsfólki sínu eftir breytingarnar á listanum.