Courtyard by Marriott vann til verðlauna annað árið í röð

Courtyard by Marriott hótelið í Reykjanesbæ vann til verðlauna annað árið í röð sem „Leiðandi Viðskiptahótel Íslands 2022“ eða „Iceland’s Leading Business Hotel 2022“. 

World Travel Awards athöfnin var haldin á Mallorca á Spáni 1. október en athöfnin var rafræn árið áður vegna heimsfaraldursins. Teymi frá hótelinu var viðstatt athöfnina til þess að taka á móti verðlaununum. 

„Við hjá Courtyard by Marriott í Reykjanesbæ erum stolt að taka við verðlaunum sem besta viðskiptahótelið á Íslandi annað árið í röð og við munum halda áfram að einbeita okkur að því að veita góða þjónustu á öllum sviðum. Það er mikill heiður að hafa unnið þessi verðlaun annað árið í röð. Hótelið er nýlegt og opnaði fyrir fyrstu gestum árið 2020. Courtyard by Marriott er rekið undir Marriott-keðjunni sem tryggir að gæðin séu ávallt í fyrirrúmi. Þessi verðlaun staðfesta einnig þá góðu vinnu sem fer fram hjá okkar starfsfólki og ég er stoltur að vera hluti af því,“ segir Hans Prins, hótelstjóri Marriott by Courtyard í Reykjanesbæ.