Bláa Lónið - 01apíl.
Bláa Lónið - 01apíl.

Viðskipti

39 framúrskarandi fyrirtæki á Suðurnesjum
Verkfræðistofa Suðurnesja fagnaði 40 ára afmæli fyrir tveimur árum og þá var þessi mynd tekin af starfsmannahópnum. VF-mynd/pket.
Páll Ketilsson
Páll Ketilsson skrifar
fimmtudaginn 20. október 2022 kl. 13:58

39 framúrskarandi fyrirtæki á Suðurnesjum

Þrjú fyrirtæki koma ný inn á lista Creditinfo. Verkfræðistofa Suðurnesja eina fyrirtækið sem hefur verið á listanum frá upphafi.

Alls eru 39 fyrirtæki, eða 4,5% af heildarfjöldanum, á lista Creditinfo yfir framúrskarandi fyrirtæki í ár staðsett á Suðurnesjum. Fimm efstu sæti listans á Suðurnesjum eru öll í flokki stórra fyrirtækja en þau skipa Þorbjörn í Grindavík, HS Veitur í Reykjanesbæ, Vísir í Grindavík, Einhamar Seafood í Grindavík og Royal Iceland í Reykjanesbæ.

Aðeins eitt fyrirtæki á Suðurnesjum hefur verið á listanum á hverju ári síðan hann kom fyrst út árið 2010 en það er Verkfræðistofa Suðurnesja. Þrjú fyrirtæki á Suðurnesjum koma ný inn á listann í ár en það eru þau Vísir, Íslandshús og J. Benediktsson. 

Public deli
Public deli

Nánar um Framúrskarandi fyrirtæki:

Þetta er í þrettánda sinn sem Creditinfo veitir framúrskarandi fyrirtækjum í íslensku atvinnulífi vottun fyrir góðan og traustan rekstur en listinn í ár var gerður opinber á viðburði í Hörpu í gær. Alls hafa 1.881 fyrirtæki einhvern tímann komist á listann en aðeins 54 þeirra hafa hlotið nafnbótina öll árin. Þegar Creditinfo metur hvort fyrirtæki teljist framúrskarandi er m.a. horft til þess hvort ársreikningi hafi verið skilað á réttum tíma, og þegar litið sé til síðustu þriggja ára sé rekstrarhagnaður, ársniðurstaðan jákvæð, rekstrartekjur að lágmarki 50 millj. kr. og eiginfjárhlutfall a.m.k. 20%. Um 39 þúsund fyrirtæki skila ársreikningi en þegar litið er til allra annarra skilyrða sem fyrirtæki þurfa að uppfylla, þá teljast aðeins um 2% fyrirtækja framúrskarandi.

Hér er listi yfir 39 fyrirtækin á Suðurnesjum sem eru framúrskarandi 2022.