Mulan – frábær vorsýning nemenda Danskompaní
Dansskólinn Danskompaní bauð upp á veislu fyrir augað þegar vorsýning Danskompaní 2022 var haldin í Andrews Theater um helgina. Þema sýningarinnar var Disney-ævintýrið um Mulan og stóðu dansararnir sig með eindæmum vel en alls tóku um 350 dansarar þátt í sýningunni – sannkölluð stórsýning. Þótt margir dansararnir hafi verið að taka sín fyrstu dansspor á stóra sviðinu stóðu þeir allir sig frábærlega og munu án efa eiga eftir að gleðja dansáhugafólk um ókomna tíð.
Jóhann Páll Kristbjörnsson, ljósmyndari Víkurfrétta, sá sýninguna og má sjá lítið brot af herlegheitunum í myndasafnið neðar á síðunni.
Mulan – vorsýning Danskompaní 2022
