Már með fjölskyldutónleika í Ytri-Njarðvíkurkirkju
Fimmtudaginn 28. október nk. verður Már Gunnarsson tónlistarmaður og sundkappi með fjölskyldutónleika í ytri-Njarðvíkurkirkju frá kl.20:00-21:00. Um er að ræða klukkutíma tónleika þar sem flutt verða lög eftir Má í bland við hans uppáhalds lög.
Með honum verða vel valdir tónlistarmenn og eitt stykki leynigestur. Þetta er frábært tækifæri fyrir fólk til að koma og kynnast þessum unga einstaka skemmtikrafti enn betur og eiga saman notarlega stund.
Tónleikarnir eru hugsaðir fólki á öllum aldri og eru þeir í boði Njarðvíkurkirkju - frítt inn!
Fólk er hvatt til að mæta tímanlega þar sem ekki eru númeruð sæti. Kirkjan opnar kl 19:30.
