Gestir geta skellt sér í sund
„Þeir sem ætla að vera heima um Verslunarmannahelgina, nú eða heimsækja bæinn, geta skellt sér í sund. Opnunartíminn verður lítið skertur og blíða er í kortunum,“ segir á Facebook-síðu Reykjanesbæjar en í Vatnaveröld verður að mestu hefðbundinn opnunartími næstu dagana.
Gestum Vatnaveraldar hefur fjölgað um tæplega átján þúsund milli áranna 2018 og 2019. Á tímabilinu janúar til júní árið 2018 voru gestir samtals 94.278 en á þessu ári er aðsóknartalan á sama tímabili samtals 111.900 sem gerir fjölgun um 19% á milli ára.
Opnunartíminn Vatnaveraldar um Verslunarmannahelgina verður sem hér segir:
Föstudaginn 2. ágúst klukkan 6:30-21:30
Laugardaginn 3. ágúst klukkan 9:00-18:00
Sunnudaginn 4. ágúst klukkan 9:00-18:00
Mánudaginn 5. ágúst klukkan 9:00-17:00
Þá verður Sundlaug Grindavíkur einnig opin alla Verslunarmannahelgina, eða frá kl. 9-18 laugardag, sunnudag og mánudag.
