Rúmfatalagerinn 17.maí
Rúmfatalagerinn 17.maí

Íþróttir

Þúsundasti leikur Kristins
Á myndinni er Kristinn með þeim Kára Maríssyni og Haraldi Leifssyni sem spiluðu báðir fyrsta leikinn. Þá er Axel, sonur Kára, á myndinni en hann spilaði 1000. leikinn. Myndina tók Hjalti Árnason sem lék fyrsta leikinn sem Kristinn dæmdi á Sauðárkróki. Mynd af kki.is
Jóhann Páll Kristbjörnsson
Jóhann Páll Kristbjörnsson skrifar
miðvikudaginn 28. apríl 2021 kl. 10:34

Þúsundasti leikur Kristins

Keflvíski körfuknattleiksdómarinn Kristinn Óskarsson dæmdi sinn sinn eitt þúsundasta leik í efstu deild karla ef úrslitakeppnin er tekin með á sunnudag. Ekki er langt síðan hann dæmdi sinn 800. leik í úrvalsdeild karla. Kristinn er fyrstur körfuboltadómara til að ná þessum merka áfanga og líklega fyrstur dómara á Íslandi til að dæma 1.000 leiki í einni deild og úrslitakeppni þeirrar deildar.

Þessir 1.000 leikir dreifast á fimm áratugi, frá níunda áratugi síðustu aldar og til þriðja áratugs þessarar aldar. Samkvæmt upplýsingum á vef Körfuknattleikssambands Íslands höfðu verið leiknir 5.006 leikir með leiknum sem Kristinn dæmdi á sunnudag, hann hefur því dæmt um fimmtung þeirra.

Sólning
Sólning

Fyrsti leikurinn sem Kristinn dæmdi í efstu deild var viðureign Njarðvíkur og Tindastóls þann 23. október 1988. Þá var Kári Marís-son leikmaður Tindastóls. Núna, nærri rúmum þremur áratugum síðar, var sonur Kára, Axel Kárason, að spila með Stólunum.

Kristinn var aftur mættur með flautuna á mánudag þegar hann dæmdi leik Stjörnunnar og Grindavíkur. Þá var meðdómari hans Ísak Ernir Kristinsson, sonur hans.


Löngu búinn að dæma þúsund leiki

Það er langt um liðið síðan Kristinn dæmdi sinn þúsundasta leik á vegum KKÍ en það afrekaði Kristinn þann 4. janúar 2008 þegar hann dæmdi viðureign Vals og Reynis í 1. deild karla.

Kristinn ásamt Ísaki Erni, syni sínum, á leik Vals og Reynis í janúar 2008. Mynd úr safni VF