Undirbúa útboð um starfsemi í Hópinu
Grindavíkurbær hefur hafið markaðskönnun vegna mögulegrar framtíðarnýtingar Hópsins í Grindavík, þar sem horft er til uppbyggingar sýningar- og ferðaþjónustu með áherslu á einstök ummerki náttúruhamfaranna.
Markmið könnunarinnar er að kanna áhuga fjárfesta og markaðsaðila og kalla eftir hugmyndum um hvernig nýta megi svæðið til framtíðar, meðal annars í tengslum við ferðaþjónustu, miðlun sögu og náttúruöflin sem hafa mótað Grindavík á undanförnum árum.
Um er að ræða markaðskönnun en ekki formlegt útboð. Niðurstöðurnar verða nýttar til að meta möguleika á frekari uppbyggingu og móta næstu skref verkefnisins.
Frestur til að skila inn upplýsingum og hugmyndum er til 24. nóvember 2026.
Nánari upplýsingar má finna hér: https://www.grindavik.is/gagnatorg/frettir-og-tilkynningar/markadskonnun-um-uppbyggingu-syningar-og-ferdathjonustu-i-hopinu
