Sprautur, smokkar og sleypiefni á bílastæði

Sprauta með nál og önnur nálarlaus voru meðal þess sem var að finna á bílastæði við Hafnargötu í Keflavík í gær. Þarna voru einnig smokkar og margskonar umbúðir af unaðskremum ástarlífsins. Einnig var þarna að finna álpappírsbúta, teskeið og fleira. Á fagmáli kallast þetta áhöld til fíkniefnaneyslu og "hjálpartæki ástarlífsins".

Af meðfylgjandi mynd að dæma virðist eitthvað "sóðalegt" hafa átt sér stað með smokkana. Þá var búið að setja umbúðir af svitalyktareyði í smokk og par af sokkum var einnig í leyfum af smokki. Ljóst að þarna hafði einhver með frjótt ímyndunarafl verið á ferð.

Tilkynnt var um sprauturnar og allt hitt "gumsið" til lögreglu um miðjan dag í gær. Eitthvað virðist sú tilkynning hafa skolast til hjá lögreglunni, því nálægt miðnætti í gærkvöldi var allt á sínum stað þegar blaðamaður Víkurfrétta skoðaði staðinn eftir ábendingu. Í morgun voru sprauturnar horfnar en smokkarnir og sleypiefnin enn á staðnum, ásamt teskeið og öðru smálegu.

Lögreglan staðfesti í samtali við Víkurfréttir að hafa tekið sprauturnar. Það verður því einhverra annarra að fjarlækja smokkana og annað sem skilið hefur verið eftir á bílastæðinu við hliðina á glerskála gömlu Glóðarinnar við Hafnargötu í Keflavík.

VF-mynd: Hilmar Bragi