Nýr valkostur í Vogum

Framboðslisti A-listans – Fyrir samfélagið í Vogum, var formlega kynntur síðastliðinn mánudag, samhliða frumsýningu á stefnuskrá listans, í aðdraganda komandi sveitarstjórnarkosninga.

A-listinn er nýr og kraftmikill valkostur í sveitarfélaginu Vogum þar sem saman kemur fjölbreyttur hópur fólks með ólíkan bakgrunn, reynslu og sýn. Hér er á ferðinni hópur einstaklinga sem vill bjóða fram krafta sína, hlusta á raddir íbúa, vinna að raunhæfum og uppbyggilegum lausnum fyrir framtíðina.

Oddviti listans er Gunnar Júlíus Helgason, pípari. Í öðru sæti er Áslaug Fjóla Magnúsdóttir, starfsmaður útfarastofu Suðurnesja. Í þriðja sæti er Hilmar Ólafsson, sérfræðingur í fjármálum. Fjórða sætið skipar Guðrún Ósk Barðadóttir, sjálfboðaliði.

Í stefnuskrá A-listans er lögð áhersla á sterkt og samheldið samfélag þar sem velferð íbúa, gagnsæ stjórnsýsla og ábyrg uppbygging eru í forgrunni. Listinn vill stuðla að auknu samráði við íbúa og skapa vettvang þar sem raddir allra fá að heyrast.

A-listinn – Fyrir samfélagið – býður íbúum Voga upp á nýja sýn, ferska nálgun og raunverulegan vilja til að vinna með fólkinu í sveitarfélaginu.

Frambjóðendur A-listans – Fyrir samfélagið

1. Gunnar Júlíus Helgason, pípari
2. Áslaug Fjóla Magnúsdóttir, starfsmaður útfarastofu Suðurnesja
3. Hilmar Ólafsson, sérfræðingur í fjármálum
4. Guðrún Ósk Barðadóttir, sjálfboðaliði
5. Ásgeir Ragnar Ásgeirsson, formaður félags eldriborgara í Vogum
6. Ingibjörg Njarðvík, þjónustu sérfræðingur
7. Bergur Álfþórsson, leiðsögumaður
8. Nanna Lovísa Zophaníasdóttir, dýranuddari
9. Óðinn Hilmisson, húsasmiður
10. Jóhanna Brynja Ólafsdóttir, leiðbeinandi
11. Tadej Venta, umhverfisverkfræðingur
12. Glóð Jónsdóttir, háskólanemi
13. Nökkvi Bergsson, húsasmiður
14. Anton Helgi Hermóðsson, flugþjónustuaðili