Gerum ráð fyrir að færðin sé erfið

Það má búast við því að einhverjir þurfi að moka sér leið út af bílastæðum sínum í morgunsárið og verði jafnvel seinir á sína staði, segir í færslu lögreglunnar á Suðurnesjum á fésbókinni nú í morgunsárið.

„Við ítrekum fyrir fólki að fara varlega í umferðinni og gerum ráð fyrir því að færðin er erfið,“ segir lögreglan.

Með færslunni hjá lögreglunni fylgdi svo ljósmynd úr Innri Njarðvík þar sem moka þarf út bíla.