Fengu spjaldtölvur og nýtt sjónvarp

Selið í Njarðvík, dagdvöl aldraðra, fékk góðar gjafir í síðustu viku þegar Félag eldri borgara og Rafmennt komu færandi hendi með nýtt sjónvarp og spjaldtölvur. 

Fulltrúar frá Félagi eldri borgara keyptu stærstu og nýjustu gerð af sjónvarpi og færðu Selinu. Þá kom Hjörleifur Stefánsson, rafvirki og formaður Rafmennts með fimmtán spjaldtölvur. 

Rafmennt er endurmenntunarstofnun fyrir fagfólk í rafiðn- og tæknigreinum og hinsvegar framhaldsskóli sem býður upp á nám í faggreinum Meistaraskóla rafiðngreina og í rafiðn- og tæknigreinum. Rafmennt hefur gefið nemendum sem hefja grunnnám rafiðngreina spjaldtölvu til eigna og hafa þeir gefið á fjórða þúsund spjaldtölvur síðan 2016.