Hagnaður Samkaupa 316 milljónir

- Velta jókst um tæp 10% á síðasta ári

Hagnaður af reglulegri starfsemi Samkaupa nam 316 milljónum á síðasta ári, samkvæmt ársuppgjöri sem kynnt var á aðalfundi félagsins í vikunni. Frá þessu var greint á vef Viðskiptablaðsins. Velta Samkaupa jókst á síðasta ári um tæp 10 prósent frá árinu 2015 og nam 24,5 milljörðum.

Kaupfélag Suðurnesja ásamt dótturfélögum á stærstan hluta í Samkaup eða 61,9 prósent.
Þau Skúli Skúlason, Árelía Eydís Guðmundsdóttir, Margrét Katrín Erlingsdóttir, Guðsteinn Einarsson go Halldór Jóhannsson voru kosin í stjórn Samkaupa á aðalfundinum.