77 eignir skiptu um eigendur í apríl

Alls var 77 kaupsamningum þinglýst á Suðurnesjum í apríl. Þar af voru 46 samningar um eignir í fjölbýli, 26 samningar um eignir í sérbýli og 5 samningar um annars konar eignir. Þetta kemur fram í upplýsingum frá Þjóðskrá Íslands.
 
Heildarveltan var 2.460 milljónir króna og meðalupphæð á samning 31,9 milljón króna. 
 
Af þessum 77 voru 66 samningar um eignir í Reykjanesbæ. Þar af voru 44 samningar um eignir í fjölbýli, 19 samningar um eignir í sérbýli og 3 samningar um annars konar eignir. 
 
Heildarveltan var 2.172 milljónir króna og meðalupphæð á samning 32,9 milljónir króna.