Sumarlestur Bókasafns Reykjanesbæjar út ágúst

Sumarlestur í Bókasafni Reykjanesbæjar heldur áfram út ágúst og geta öll börn á grunnskólaaldri tekið þátt.

Sumarlestur er mikilvægur því hann viðheldur og eflir lestrarfærni sem börnin hafa náð á sl. skólaár. Nú fer skólinn að byrja aftur og það er gott að koma lestrinum aftur í rútínu eftir vonandi notalegt sumar.

Dregið verður úr öllum skráningum og lestrarleikjablöðum föstudagana 18. ágúst og 1. september. Athugið að tekið er við skráningum og leikjablöðum fram til klukkan 12.00 föstudaginn 1. september.

Nánari upplýsingar eru á vef Bókasafns Reykjanesbæjar