Réttað í Þórkötlustaðarétt á laugardaginn

Réttað verður í Þórkötlustaðarétt í Grindavík laugardaginn 15. september kl. 14:00. Réttirnar eru oftast vel sóttar af gestum og stundum má vart á milli sjá hvor hópurinn er fjölmennari, menn eða sauðfé. 
 
Gestir eru þó beðnir um að sýna tillitssemi við bændur og sauðfé og eru gestir í réttunum hvattir til að nýta sér göngustíga meðfram Austurvegi og Grindvíkingar beðnir um að skilja bílana eftir heima.