Plokkað í gamla bænum

Börnin á leikskólanum Vesturbergi í Keflavík plokkuðu í umhverfi leikskólans og í gamla bænum í Keflavík ásamt foreldrum sínum og félögum úr Rótarýklúbbi Keflavíkur í gær.

 

Klúbburinn gerir þetta til að minna á móður náttúru og efla náttúruverndarvitund hjá börnum og fullorðnum en það er eitt af markmiðum klúbbsins.

 

Eftir hreinsunarverkefnið var síðan öllum boðið í grillveislu. Meðfylgjandi myndir voru teknar í plokkinu. VF-myndir: Hilmar Bragi