Bestu djúpsteikjarar Lundúna til Grindavíkur
- fiskur og franskar á Fjörugum föstudegi í Grindavík
Hinn árlegi Fjörugi föstudagur á Hafnargötunni í Grindavík og verður hann haldinn nk. föstudag. Er þetta í fimmta sinn sem hann er haldinn síðasta föstudag í nóvember.
Tónlist, kynningar, piparkökur, jólaglögg, konfekt, fish´n´chips og margt fleira í boði. Þannig mæta færustu djúpsteikjarar frá keðju 40 fish´n´chips staða í London til Grindavíkur og matreiða fisk og franskar hjá Þorbirni hf. í Grindavík.
Jólasveinar verða á ferðinni frá klukkan 17 og eiga kannski eitthvað gott í pokanum fyrir góðu börnin.
Hinir ýmsu þjónustu- og verslunaraðilar við Hafnargötuna í Grindavík bjóða upp á góð tilboð og bjóða einnig fólk velkomið að kíkja í heimsókn og sjá hvað þeir hafa upp á að bjóða.
