Vinna við nýtt umhverfismat Suðurnesjalínu 2 að hefjast

Landsnet hf. hefur nú fengið tilnefningar í verkefnaráð sem senn tekur til starfa vegna vinnslu nýs umhverfismats fyrir Suðurnesjalínu 2. 

 

Fyrsti fundur verkefnaráðsins verður í næstu viku, og verða á þeim fundi lögð drög að vinnunni framundan.

 

Síðustu vikur hafa flest sveitarfélög á Suðurnesjum ályktað um flutning raforku til Suðurnesja og hvatt Landsnet til að leysa þann vanda sem nú steðjar að Suðurnesjum með aðeins eina flutningslínu milli Suðurnesja og megindreifikerfis landsins.