Stórþjófnaður úr ferðatösku

Lögreglunni á Suðurnesjum barst í vikunni tilkynning um stórþjófnað úr ferðatösku ferðalangs. Þjófnaðurinn átti sér stað þegar viðkomandi var á leið til Bandaríkjanna. Verðmæti þess sem stolið var nam hátt á þriðja hundrað þúsund krónum.

Nokkuð bið hafði orðið á því að hópurinn sem viðkomandi hafði ferðast með fengi farangur sinn þegar komið var á áfangastað. Við komuna á hótel, þegar tekið var upp úr ferðatöskum, kom í ljós að farið hafði verið í þær sem voru ólæstar og ýmsu stolið úr þeim. Ofangreindur ferðamaður saknaði einkum verðmætra skartgripa en einnig snyrtivara og fleira.

Þá var lögreglu tilkynnt um hnupl úr lyfjaverslun í umdæminu.