Skipa upp tréflís fyrir United Silicon

Nú er unnið að uppskipun á tréflís í Helguvík fyrir United Silicon, kílilverið í Helguvík. Uppskipun hófst í gær og er gert ráð fyrir að henni ljúki á morgun. Tréflísin er eldiviður fyrir ofn United Silicon og það efni bæjarbúar í Reykjanesbæ finna brunalykt af frá verksmiðjunni.

 

Nú bíður eitt skip á ytri höfninni eftir að komast að í Helguvík með farm og enn eitt skipið er svo væntanlegt á mánudag.

 

Halldór Karl Hermannsson, hafnarstjóri Reykjaneshafnar, sagði í samtali við Víkurfréttir að það væri stundum flókið að púsla saman skipakomum í Helguvík og fyrir löngu væri komin þörf á að lengja hafnargarða.

 

Meðfylgjandi myndir voru teknar í gær með flygildi yfir höfninni þar sem uppskipun fór fram.