Gjaldtaka í strætó hefst eftir áramót

Reykjanesbær hefur ákveðið að hefja gjaldtöku í strætó frá 1. janúar 2018. Gjaldtaka fer fram í formi árskorta en einnig verður hægt að kaupa einstaka ferðir um borð í strætó. Sala árskortanna hefst 1. desember, en hægt verður að kaupa kortin á Bókasafni Reykjanesbæjar, í Sundmiðstöð við Sunnubraut, Íþróttamiðstöð Njarðvíkur, Rokksafni Íslands í Hljómahöll og á Upplýsingamiðstöð ferðamanna í Duus Safnahúsum.

Verðskrá árskorta er sem hér segir:
Almennt kort 5000 kr.
Börn 6 til 18 ára 2000 kr.
Aldraðir og öryrkjar 2000 kr.
Einstök ferð 300 kr. (hvorki skiptimynt né skiptimiðar í strætisvögnum)