Uppbyggingarsjóður 2022
Uppbyggingarsjóður 2022

Íþróttir

Tinna Hrönn er á skotskónum þessa dagana
Tinna Hrönn hefur skorað fimm mörk í síðustu tveimur leikjum. VF-mynd: JPK úr fyrri leik liðanna
Jóhann Páll Kristbjörnsson
Jóhann Páll Kristbjörnsson skrifar
laugardaginn 20. ágúst 2022 kl. 10:43

Tinna Hrönn er á skotskónum þessa dagana

Grindvíkingar unnu sinn annan sigur í röð í Lengjudeild kvenna í gærkvöldi þegar þær lögðu Augnablik að velli með þremur mörkum gegn engu. Tinna Hrönn Einarsdóttir var hetja Grindvíkinga en hún skoraði öll mörkin. Tinna er heldur betur á skotskónum þessa dagana en auk þrennunar í gær skoraði hún bæði mörk Grindavíkur í sigri á Fjölni þar á undan.

Augnablik - Grindavík 0:3

Tinna opnaði markareikninginn á 11. mínútu þegar hún skoraði fyrsta mark leiksins, hún bætti tveimur mörkum við í síðari hálfleik (64' og 66').

Grindavík er komið með sautján stig í sjötta sæti Lengjudeildar kvenna og siglir lygnan sæ um miðja deild.