Vinnuvél lokar þotu WOW inni í flugskýli

Hjólaskófla er notuð til að koma í veg fyrir að þotu WOW ari, TF-GPA, verði laumað út úr flugskýli 885 á Keflavíkurflugvelli í skjóli nætur. Isa­via beitti stöðvun­ar­heim­ild á grund­velli loft­ferðalaga á flug­vél WOW air, sem staðsett var á Kefla­vík­ur­flug­velli, til trygg­ing­ar á ógreidd­um not­enda­gjöld­um.
 
Þotan ber skráningarnúmerið TF-GPA og er kölluð „afi“ í daglegu tali. Þotan hefur verið í flugskýli 885 undanfarna daga þar sem viðhaldi hennar hefur verið sinnt. Þannig birti Morgunblaðið mynd ljósmyndara Víkurfrétta á forsíðu sl. miðvikudag þar sem stél þotunnar sást standa út úr flugskýlinu.
 
Þegar ljóst var að félagið væri farið í þrot var hurðum flugskýlisins lokað og vinnuvél sett fyrir.
 
Efri myndin var tekin á Keflavíkurflugvelli nú áðan en sú neðri á þriðjudagskvöld. Þá hafði þotan þegar verið sett í þá stöðu að hún færi ekki af landinu nema skuldin við Isavia væri greidd.

 
VF-myndir: Hilmar Bragi