Með 11 poka af kannabis í nærbuxunum

Fjórir karlar voru handteknir þegar lögreglan á Suðurnesjum gerði húsleit í íbúðarhúsnæði í umdæminu í vikunni. Í leitinni var lagt hald á umtalsvert magn af kannabisefnum og tóbaksblönduðu kannabis. Einn mannanna framvísaði hluta efnanna, ellefu litlum glærum plastpokum með kannabis, sem hann hafði falið í nærbuxunum. Stór plastpoki með efnum fannst svo í bakpoka sem komið hafði verið fyrir í skáp í húsnæðinu. Að auki fundust þar neysluáhöld, umbúðir og efnaleifar.