Keilir vill stúdentagarða á Ásbrú

Keilir hefur lagt inn fyrirspurn til umhverfis- og skipulagsráðs Reykjanesbæjar vegna Keilisgarða við Grænásbraut 913 á Ásbrú um hvort heimilt sé að skipuleggja umrædda lóð fyrir stúdentagarða.

Lóðin er samkvæmt aðalskipulagi miðsvæði þar sem heimilt er að reka stúdentagarða. Samþykkt var á fundi umhverfis- og skipulagsráðs að heimila vinnu að tillögu að deiliskipulagsbreytingu í samvinnu við skipulagsfulltrúa.