Fjölmargir útaf í skyndihálku
– engin slys á fólki segir lögreglan
Skyndilega hálku gerði á Reykjanesbraut nú síðdegis með þeim afleiðingum að fimm bifreiðar annað hvort höfnuðu utan vegar eða á ljósastaurum við brautina. Samkvæmt upplýsingum frá lögreglunni á Suðurnesjum er verið að sinna útköllum vegna óhappanna en engin slys urðu á fólki eftir því sem best er vitað.
Meðfylgjandi myndir eru úr vefmyndavél Vegagerðarinnar á Strandarheiði á Reykjanesbraut og eru teknar nú á sjöunda tímanum.
