Fyrsta sagnastundin á nýju ári haldin á laugardag á Garðskaga
Sagnastund á Garðskaga verður haldin laugardaginn 27. janúar klukkan 15:00. Fyrsta sagnastund ársins fjallar um sjósókn á stríðsárunum og þær hömlur sem voru á fjarskiptum og veðurfregnum. Meginþungi er á Sviðaslysið, þegar togarinn Sviði frá Hafnarfirði fórst á Breiðafirði 2. desember 1941. Egill Þórðarson, fyrrum loftskeytamaður á togurum og hjá Gæslunni, segir frá.
Styrjöld, heimur á heljarþröm. Skipin, sigling og mikið lagt á lítil skip. Veður, samspil vinds, öldu, straums og botnlags. Leitir og brak, viðbragðstími og ólíkar aðstæður.
Egill var með í að setja upp sýningu í Safnaðarheimili Hafnarfjarðarkirkju 2022 um Sviðaslysið. Egill mun sýna nákvæmt ítarefni frá sýningunni.
Allir velkomnir á Garðskaga, ekki aðgangsgjald, veitingahúsið verður opið. Léttar veitingar í boði.
Áhugamenn um sagnastund á Garðskaga.