ísbúð garðarbæjar
ísbúð garðarbæjar

Íþróttir

Lavinia verður áfram með Njarðvík
Jóhann Páll Kristbjörnsson
Jóhann Páll Kristbjörnsson skrifar
þriðjudaginn 14. júní 2022 kl. 19:07

Lavinia verður áfram með Njarðvík

Miðherjinn Lavinia Joao Gomes Da Silva skrifaði nýverið undir nýjan eins árs samning við Íslandsmeistara Njarðvíkur og er því væntanleg í Ljónagryfjuna á nýjan leik þegar sumri tekur að halla. Frábærar fréttir fyrir Njarðvíkinga sem hafa þegar framlengt við Aliyah Collier.
Lavina verður með Njarðvíkingum í titilvörninni á næsta tímabili.

Lavinia var prímusmótor í Njarðvíkurliðinu í vetur með 13,1 stig og 8,9 fráköst að meðaltali í leik og í viðtali sem UMFN.is tók við Rúnar Inga Erlingsson, þjálfara meistaraflokks kvenna, kvaðst einkar sáttur með þá staðreynd að Lavina yrði áfram í grænu. „Við lögðum mikla áherslu á að hafa hana áfram í Njarðvík enda er hún mikill karakter og gefur mikið til liðsins.”