Toyota ársgamlir bílar á tilboði
Toyota ársgamlir bílar á tilboði

Íþróttir

Keflavík tapaði fyrir KR - næst neðstar
Aðstæður voru erfiðar, rok og rigning á Nettó-vellinum þegar Keflavík fékk KR í heimsókn. VF-myndir/pket.
Páll Ketilsson
Páll Ketilsson skrifar
sunnudaginn 25. ágúst 2019 kl. 21:22

Keflavík tapaði fyrir KR - næst neðstar

Keflavíkurstúlkur náðu ekki að endurtaka leikinn gegn KR þegar liðin mættust í PepsiMax-deildinni í knattspyrnu á Nettó-vellinum í Keflavík í dag. Vesturbæjarliðið sem Keflavík vann í fyrri umferðinni 0:4 hirti öll stigin og sigraði 1:2.

Gestirnir komust í forystu á 8. með óvæntu marki en markvörður Keflavíkur lenti í vandræðum með langt skot, varði það en Grace Maher fylgdi vel á eftir og skoraði 0:1. Heimakonur jöfnuðu á 34. mínútu þegar Amelía Rún Fjeldsteð skoraði gott mark.

Katrín Ómarsdóttir, besti leikmaður KR skoraði sigurmarkið úr víti á 78. mínútu.

Keflavík er í næst neðsta sæti með 10 stig, þremur á eftir ÍBV sem á leik til góða.

„Fyrst og fremst bara gríðarlegt svekkelsi og þvílik vonbrigði að tapa hér í dag, stelpurnar lögðu sig alla fram en því miður skilaði það engum stigum eða neinu stigi hér í dag,“ sagði Gunnar við fotbolta.net.

 
Ljósmyndastofa Oddgeirs
Ljósmyndastofa Oddgeirs