Jón Arnór og Kamilla Sól í Njarðvík næstu tvö árin

Bakverðirnir Jón Arnór Sverrisson og Kamilla Sól Viktorsdóttir hafa bæði undirritað nýja tveggja ára samninga við körfuknattleiksdeild Njarðvíkur.

Kamilla Sól bættist nýlega við leikmannahóp Njarðvíkur, hún lék með Njarðvík tímabilið 2018–2019 en hefur síðan þá verið á mála hjá Keflavík. Kamilla er sterkur bakvörður sem mun færa Njarðvíkurliðinu aukin gæði og liðsinna hópnum við að berjast fyrir sæti í Domino's-deild kvenna á nýjan leik.

Jón Arnór Sverrisson hefur farið mikinn á tímabilinu til þessa í Domino's-deild karla með 10,6 stig, 4,4 fráköst og 4,5 stoðsendingar að meðaltali í leik. Þá er hann þriðji hæstur á lista yfir stolna bolta, að meðaltali 2,29 í leik.