Símatími með pólskumælandi starfsmanni alla virka daga
Vinnumálastofnun býður upp á opna símatíma með pólskumælandi starfsmanni alla virka daga á milli kl. 13 og 15. Búið að upplýsa um það á pólsku Facebook síðu Reykjanesbæjar, Polacy na Reykjanes. Ábendingar hafa borist um að upplýsingar um ástandið á tímum COVID-19 hafi ekki borist nógu mikið til útlendinga á Suðurnesjum. Nær fjórði hver íbúi er af erlendum uppruna.
„Ég er með fimmtán útlendinga í vinnu og þeir vita ekki neitt um stöðuna nema það sem ég segi þeim,“ sagði eigandi fyrirtækis í Reykjanesbæ við Víkurfréttir.