Minna fé verður eftir til uppbyggingar í Keflavík
Kjartan Már Kjartansson, bæjarstjóri í Reykjanesbæ, lýsir í færslu á Facebook áhyggjum sínum af því að hagnaður af starfsemi Isavia verði ekki notaður til bráðnauðsynlegrar áframhaldandi uppbyggingar á Keflavíkurflugvelli. Það eigi eftir að koma í bakið á okkur, ekki bara Suðurnesjamönnum heldur allri íslensku ferðaþjónustunni.
„Ef fer fram sem horfir mun stór hluti hagnaðar ISAVIA af starfseminni á Keflavíkurflugvelli frá og með næstu áramótum verða nýttur til uppbyggingar flugvalla innanlands. Það þýðir að minna fé verður eftir til bráðnauðsynlegrar, áframhaldandi uppbyggingar í Keflavík. Ég hræðist að það eigi eftir að koma í bakið á okkur, ekki bara Suðurnesjamönnum heldur allri íslensku ferðaþjónustunni,“ skrifar Kjartan Már.