Fyrir hverja milljón færri farþega fækkar störfum í flugstöðinni um 950

„Ríkisstjórnin verður að beina sjónum sínum að fólki sem mun missa vinnu sína á næstu vikum. Fyrsti skellurinn verður á starfsfólki WOW og starfsfólki Flugstöðvar Leifs Eiríkssonar. Fyrir hverja milljón færri farþega fækkar störfum í flugstöðinni um 950,“ segir Oddný Harðardóttir alþingismaður Suðurkjördæmis í færslu á fésbókinni í dag.

 

„Ég vildi að ég gæti treyst þessari ríkisstjórn til að átta sig á alvarleika málsins fyrir starfsfólkið og einnig samfélögin á Suðurnesjum. Síðar mun skellurinn hafa áhrif um allt land með margvíslegum hætti þó stóru einstöku tölurnar verði fyrst um sinn í áhrifum á starfsfólk WOW og störfin í flugstöðinni,“ segir Oddný Harðardóttir.