Nettó
Nettó

Fréttir

  • Bifhjólamaður sem féll af hjóli sínu grunaður um ölvunarakstur
    Frá vettvangi á þjóðhátíðardaginn. VF-mynd: pket
  • Bifhjólamaður sem féll af hjóli sínu grunaður um ölvunarakstur
    Lögregla á vettvangi slyssins.
Ritstjórn
Ritstjórn skrifar
þriðjudaginn 18. júní 2019 kl. 20:01

Bifhjólamaður sem féll af hjóli sínu grunaður um ölvunarakstur

Ökumaður bifhjóls sem féll af hjóli sínu við Mánatorg í Reykjanesbæ á þjóðhátíðardaginn er grunaður um að hafa verið undir áhrifum áfengis við aksturinn. Hann slasaðist talsvert, m.a. á höfði og var að auki talinn vera fótbrotinn. Hann var fluttur á Landspítala.

Áður höfðu orðið tvö slys þar sem hjól komu við sögu. Ökumaður vespu missti stjórn á henni á göngustíg í Grindavík með þeim afleiðingum að hann ók út af og rann niður brekku sem lá við veginn. Sjúkraflutningamenn mættu á staðinn og hlúðu að honum.

Þá barst lögreglunni á Suðurnesjum tilkynning um umferðarslys þar sem bifreið var ekið utan í hjólreiðamann á Sandgerðisvegi. Hann kastaðist ásamt hjólinu út í vegkant. Meiðsl hans voru ekki talin alvarlegs eðlis.

Ljósmyndastofa Oddgeirs
Ljósmyndastofa Oddgeirs