Hnefaleikafélag Reykjanesbæjar
Hnefaleikafélag Reykjanesbæjar

Fréttir

Bæjarstjórnarfundir Reykjanesbæjar færast í Hljómahöll
Frá fundi bæjarstjórnar Reykjanesbæjar á 3. hæð ráðhússins við Tjarnargötu.
Páll Ketilsson
Páll Ketilsson skrifar
mánudaginn 3. júní 2019 kl. 17:45

Bæjarstjórnarfundir Reykjanesbæjar færast í Hljómahöll

Bæjarstjórn Reykjanesbæjar munu funda í Hljómahöll eftir sumarfrí en bæjarstjórnarfundir hafa í nokkur ár farið fram í fundarsal á 3. hæð í Ráðhúsi Reykjanesbæjar. Fyrsti fundurinn á nýja staðnum, salnum Merkinesi, verður 20. ágúst en síðasti fundur bæjarstjórnar fyrir sumarfrí verður 18. Júní.

Ástæða fyrir flutningi á fundunum er m.a. plássleysi í ráðhúsinu fyrir starfsemina þar. Flutningurinn í Merkines mun gefa kost á því að nýta fundarsalinn undir annað.

Bæjarstjórn hefur fundað á nokkrum stöðum í bæjarfélaginu í gegnum tíðina en oftast þó í ráðhúsinu við Tjarnargötu. Um tíma fóru fundirnir fram í bíósal Duus-safnahúsa og þegar farið er lengra aftur í tíma voru þeir í sal Iðnaðarmannafélagins við Tjarnargötu.

Frá fundi í bæjarstjórn í bíósal Duus-safnahúsa árið 2012.

Ljósmyndastofa Oddgeirs
Ljósmyndastofa Oddgeirs